Mae Hyb Awtistiaeth Castell-nedd Port Talbot yn cynnal amrywiaeth o ddigwyddiadau i rannu gwybodaeth am y ganolfan newydd a’ch galluogi i helpu i lunio’r cymorth a gynigir.
Os ydych yn 16+ ac yn nodi eich bod yn Awtistig, fe’ch gwahoddir i fynychu’r digwyddiadau canlynol (mae croeso hefyd i deulu a ffrindiau):
📅 Dydd Mercher 6 Medi yn Resolfen Building Blocks
📅 Dydd Sadwrn 16 a dydd Mercher 20 Medi yn Neuadd y Dref Castell-nedd
📅 Dydd Iau 28 Medi yng Nghanolfan Celfyddydau Pontardawe
📅 Dydd Mercher 4 Hydref yng Nghanolfan St Pauls yn Aberafan
Dewch draw o 11yb – 3.30yp. Does dim angen archebu lle, mae croeso i chi ddod draw i aros am y diwrnod.
Bob dydd, gallwch ddisgwyl cyfarfod â’r tîm y tu ôl i’r hwb, clywed gan siaradwyr gwadd Awtistiaeth, gweld fideo gan Gethin Jones a chael cyfleoedd i rannu eich stori a’ch syniadau ar yr hyn yr hoffech ei weld o’r hwb.
Bydd lluniaeth ysgafn ar gael, ond dewch â phecyn cinio llawn os ydych yn bwriadu aros am y diwrnod. Bydd stondinau gwybodaeth o wasanaethau cymorth eraill yng Nghastell-nedd Port Talbot hefyd ar gael i bori drwyddynt.
Os oes angen addasiadau arnoch ar gyfer hygyrchedd, neu am ragor o wybodaeth, cysylltwch â Hyb Awtistiaeth Castell-nedd Port Talbot drwy eu tudalen Facebook sydd i’w gweld yn y ddolen isod:
www.facebook.com/profile.php?id=100087503030541
Neu fel arall, gallwch ffonio 07958 442180.
